Muaß i denn, muaß i denn no a Corona-Liadl schreibn? Corona-Liadl schreiben, Warum denn aa no i? Wer braucht däs no & außadem, i fandat do kan Reim, fandat do kan Reim, geh, däs wird nix, oh, na, nie! (boid wird jeda anan kennan, der wem kennt, der wem kennt, der wem kennt…)

1)  Jo, i waaß eh, jetzt wird die Wöd si schnö kuriern. Die Fliega bleim aum Bodn und da Kreizfoahrtsirrsinn steht. Amazon und Facebook, die tuan goa ned profitiern & die den Impfstoff brav vadrahn, jo die vadienan si ned bled.

2)  Delfine in da Donau & goa schnorchnln im Kanal, die deppatn wern gscheid & von vanadan is ka Spur, Rassistn sterbn jetzt aus, sogoa „gut Mensch“ sei wird normal & da weana Buagamasta tringt sein‘ Greanan nurmehr pur.

Soit i echt mi aa bled schpün und so a Liadl schreibn, jo so a Liadl schreibn & däs mit meine linkn Finga? Gibt’s davo ned eh scho gnua? I lossats liaba bleibn, lossats liaba bleibn & dad gern scheene Liada singa!

3)  Jo künftig bleibn d’Chinesn saumt ean Virus brav daham, wir brauchn nix von denan, produziern im eignan Laund. Däs Klima wird si umdrahn, weu wir pinkln auf kan Bam. Und a Putin wird uns rettn, jo schee „kurz“ is da Vaschtaund!         

Bin i wirklich scho dabei, no a Corona-Liadl z’schreibn, Corona-Liadl z’schreibn, aunstott an „Darc Side Of The Moon“? San so inter-nette Gschichtln denn nix aundas ois zan schpeibn, nix aundas ois zan schpeibn & völlig oportun?        

Glaubst echt, wir kriagn däs hin, dass no Gerechtigkeit woah wird & die Schea endlich moi wieda uandlich gscheid zaummgeht? I hoffat wirklich sehr, daß ned des Gegnteu passiert, sondan dass da Mensch da unhamlichn Gier boid widaschteht! Oda bleibt die Übawochung gaunz normal u. etabliert? Dafia is Gastro u. Kultur däs ollaletzte, wos ma rett. Do kunnt jo wos entsteh, wos an sein Heulignschein ruiniert. Jo den guadn weana Schmäh schnoin unsre Schnösl-Führa ned!

(rinnt jo ned amoi a bluat durch eanre Venen, bestnfois a Tschoppal-Lulu. Ollas Voiksvablöda,  Routnschliaßa, Scheidlkniara …und Babyelefauntn, oda?)       

4)  Diktaturen wern jetzt menschlich, Oame schöpfn ausn Voin, die Rechts-Wixxa von übroi gengan komplett ausn Leim. Die Schpenda von‘d Türkisn wean boid eanre Schteian zoin. Und da Basti sogt die Woahrheit und die Erdn is a Scheibn.

Muaß i denn, muaß i denn no a Corona-Liadl schreiben? Corona-Liadl schreibn? saumt Vaschwöhrungstheorie? Haum doch eh scho olle gmocht und i daschtick scho boid im Schleim, daschtick scho boid im Schleim! Voi die Pandemie!

(boid wird jeda anan kennan, der wem kennt, der wem kennt, der wem kennt…)

Viele dachten damals tatsächlich, dass Corona eine Art Reinigung bewirken würde, aus der eine bessere und gesündere Welt hervorgehen könnte, mit besseren, gesünderen, gescheiteren und empathischeren Menschen. Das totale Gegenteil wurde leider, wie sich immer mehr herausstellt, zur Realität. Okay, wir hatten’s redlich genützt und genossen Dürnstein, Hallstatt und Venedig sogar, ohne lästige und ängstliche Touristenmassen. Erfreute Einheimische, kein Anstellen, auf der Seufzer- und auf der Rialtobrücke in der ersten Reihe oder nahezu allein und kein Nepp wo weit und breit. Dennoch, auch wenn sich das fast so anliest, wir waren’s nicht! Das kam schon von anderswo, wenn auch unsere Lebensweise nur knapp an jener der „Täter“ vorbeischrammt. Die Abhängigkeit vom mutmaßlichen Verursacher dieser schrecklichen Pandemie, um nicht von Ausgeliefertsein zu schreiben, scheint inzwischen grenzenlos und prolongiert.